तोलामा ४ सय रुपैयाँले बढ्यो सुनको मुल्य

काठमाडौं– सोमबार नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ४ सय रुपैयाँले बढेको हो । आज १ लाख ४६ हजार १ सय रुपैयाँमा छापावाला सुनको कारोबार भइरहेको छ । यस्तै आज तेजाबी सुनको मूल्य तोलाको १ लाख ४५ हजार ४ सय रुपैयाँ कायम भएको छ ।

आज चाँदीको मूल्य पनि तोलामा १० रुपैयाँले बढेको छ । आज नेपाली बजारमा प्रतितोला १ हजार ७ सय ५० रुपैयाँमा कारोबार भइरहेको महासंघले जनाएको छ ।