धार्चे पहिरो: वेपत्ता पाँचमध्ये चारको शव भेटियो

गोरखा– गोरखाको धार्चेमा गएको पहिरोमा वेपत्तामध्ये चार जनाको शव भेटिएको छ । धार्चे-५ रेशामा पहिरोले घर पुरिँदा उनीहरु वेपत्ता भएका हुन् ।

हालसम्म घरधनी जीतबहादुर गुरुङ, उनकी पत्नी कान्छी गुरुङ, बुबा सुलाल कान्छा गुरुङ र धार्चे ५ सिंग्लाका रमेश गुरुङको शव भेटिएको हो । ट्याक्टर चालक आरुपोखरीका रमेश परियार अझै भेटिएका छैनन् ।

पहिरोले जीतबहादुरको घर पुरिँदा एकै परिवारका ३ सहित ५ जना बेपत्ता भएका थिए ।