नीति र पल एउटै फिल्ममा
काठमाडौं– दर्शकहरुले नीति शाह र पल शाहलाई एकैपटक पर्दामा देख्न पाउने भएका छन् । ओम प्रतिकको निर्देशन रहने फिल्म ‘मोहर’ नीतिको जोडीको रुपमा अभिनेता पल शाह देखिने भएका हुन् ।
केही अगाडि अभिनेत्रीको रुपमा नीति फाइनल भएको फिल्ममा अहिले अभिनेताको रुपमा पल भित्रिएका हुन् । फिल्मको छायांकन माघ–फागुनमा गर्ने तयारी निर्माण पक्षको छ ।
मेकर्स प्रा.लिको प्रस्तुतिमा तयार हुन लागेको फिल्ममा ओम प्रतिककै लेखन छ । फिल्मलाई चुम्बन जंग शाहीले निर्माण गर्न लागेका हुन् ।
यसअघि पल र नीतिले फिल्म ‘हुतुतु’ नामक फिल्म साइन गरेका थिए । तर, यो फिल्म बन्न सकेन ।