श्री एयरलाइन्सकी एयर होस्टेजलाई दुर्व्यवहार गरेको आरोपमा यात्रु पक्राउ
काठमाडौं– एयर होस्टेजलाई दुर्व्यवहार गरेको आरोपमा एक जना यात्रुलाई प्रहरीले पक्राउ गरेको छ । श्री एयरलाइन्सकी एयर होस्टेजलाई दुव्र्यवहार गरेको आरोपमा यात्रु पक्राउ परेका हुन् । काठमाडौंबाट उडेको जहाज धनगढीमा अवतरण भएपछि जहाजमा सवार शिवराज ओझालाई कैलाली प्रहरीले पक्राउ गरेको हो ।
कैलालीको गोदावरी नगरपालिका–१ घर भएका ओझालाई प्रहरीले अभद्र व्यवहार मुद्दामा अनुसन्धान गरिरहेको छ । मङ्गलवार काठमाडौँबाट धनगढी जाने क्रममा उनले सुरुमा एयरहोस्टेज र विवाद बढेपछि विमानका अरू कर्मचारीलाई पनि दुर्व्यवहार गरेको आरोप छ ।