खोलाले श्रीमतीलाई बगाएर बेपत्ता पार्यो, श्रीमानको भने उद्धार

बर्दिया– बर्दियाको बाँसगढी नगरपालिका–३ माहादेवास्थित मानखोलाले एक जना महिलालाई बगाएको छ । दाउरा निकाल्ने क्रममा उनलाई खोलाले बगाएको हो । उनका श्रीमान जागु थारुलाई भने घाइते अवस्थामा उद्धार गरिएको छ ।

खोलाले बगाएको भन्ने खबर पाएपछि सशस्त्र प्रहरी बल नेपाल सुरक्षा बेस कतर्नियाबाट खटिएका १० जना र नेपाल प्रहरीको संयुक्त टोलीले श्रीमानलाई उद्धार गर्न सफल भएको हो । श्रीमती पार्वती थारुलाई खोलाले बगाई बेपत्ता बनाएको प्रहरीको भनाई छ ।

उनको खोजी कार्य भइरहेको सह–प्रवक्ता डीएसपी शैलेन्द्र थापाले जानकारी दिए । घाइते जागुलाई मेडिकल कलेज कोहलपुर पठाइएको छ ।