१४ सयले घट्यो सुनको मूल्य

काठमाडौं- नेपाली बजारमा बुधबार सुन–चाँदीको मूल्य घटेको छ। मंगलबार प्रतितोला दुई हजार तीन सय रूपैयाँ घटेको सुनको मुल्य आज प्रतितोला एक हजार चार सय रूपैयाँ घटेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४६ हजार तीन सय रूपैयाँमा कारोबार भइरहेको छ। हिँजो छापावाल सुन प्रतितोला एक लाख ४७ हजार सात सय रूपैयाँमा कारोबार भएको थियो।

त्यसैगरी, बुधबार चाँदीको मूल्य १५ रूपैयाँले घटेको छ। मंगलबार चाँदी प्रतितोला १७ सय २५ रूपैयाँमा कारोबार भएकोमा आज चाँदी प्रतितोला १७ सय १० रूपैयाँमा कारोबार भइरहेको छ।