जुवातास खेलिरहेका ८ जना पक्राउ

सुनसरी– धरानको एक होटलबाट जुवातास खेल्ने ८ जना पक्राउ परेका छन् । धरान उपमहानगरपालिका–८ भोटेपुलस्थित कञ्चनजङ्घा होटल एन्ड लजको ३०३ नम्बरको कोठामा जुवातास खेलिरहेको अवस्थामा उनीहरुलाई प्रहरीले पक्राउ गरेको हो ।

होटल सञ्चालिका ४९ वर्षीया प्रमिला योङदेन ८ जनालाई सोमबार राति प्रहरीले पक्राउ गरेको जनाएको छछ । इलाका प्रहरी कार्यालय धरानबाट खटिएको प्रहरीले उनीहरूलाई नगद ८६ हजार १० रुपैयाँ, १५ थान कौडा र ३ बुक ताससहित पक्राउ गरेको बताइएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।