चलचित्र ‘रावायण’को शीर्ष गीत सार्वजनिक
काठमाडौं– चलचित्र ‘रावायण’को शीर्ष गीत सार्वजनिक भएको छ । ‘रावायण’ बोलको गीत आज सार्वजनिक भएको हो ।
गीतमा रेभन आरती सिंहको संगीत र गीतमा डाक्टर कृष्णहरि बरालको शब्दरचना छ । गीतमा पुष्पा २ का गायक नकास अजिजको स्वर छ ।
विक्रम स्वारको कोरियोग्राफी रहेको छ । सिनेमाको सार्वजनिक गीतको अडियोको काम भारतको मुम्बईमा गरिएको निर्माण पक्षले जनाएको छ ।
भिडियोमा अभिनेता पल शाह र अभिनेत्री पूजा शर्मा फिचर्ड छन् । निर्देशक सुदर्शन थापालाई पनि भिडियोमा देख्न सकिन्छ ।
सुदर्शन थापा प्रोडक्सन र पूजा शर्मा प्रोडक्सनको व्यानरमा बनेको चलचित्रकी निर्माता पूजा शर्मा हुन् । सुशन पाठक कार्यकारी निर्माता रहेको सिनेमालाई सुदर्शन थापाले निर्देशन गरेका छन् ।
चलचित्रमा पल शाह, पूजा शर्मा, प्रियंका कार्की, प्रमोद अग्रहरि, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ललगायतको अभिनय छ ।