रोकेर राखेको जिप भिरमा खस्दा एक जनाको मृत्यु

म्याग्दी– म्याग्दीमा सवारी दुर्घटनामा एक जनाको मृत्यु भएको छ । अन्नपूर्ण गाउँपालिका–७, टिकोटमा बुधबार बिहान बेनीतर्फ जान लागेको ग १ ज ७९४५ नम्बरको बोलेरो जिप भिरालो सडकबाट पछाडि गुडेपछि भिरबाट खसेको हो ।

दुर्घटनामा गम्भीर घाइते भएका सोही गाउँका ६४ वर्षीय भीम बहादुर पाइजा पुनको मृत्यु भएको हो । उनको बेनी अस्पतालमा उपचारको क्रममा करिब १ बजे मृत्यु भएको प्रहरीले जानकारी दिएको छ ।

रोकेर राखिएको जिप पछाडिपट्टि चिप्लिएर गुडेर सडकदेखि करिब पचास मिटर तल खसेको थियो । सोही दुर्घटनामा सामान्य घाइते भएका ४१ वर्षीय कुमार पुनको उपचार भइरहेको छ ।

जिपका चालक ३६ वर्षीय केशव पुनलाई प्रहरीले नियन्त्रणमा लिएको छ ।