सिन्धुलीमा बोलेरो दुर्घटना, दुईजनाको मृत्यु

सिन्धुली– सिन्धुलीमा गाडी दुर्घटना हुँदा दुई जनाको मृत्यु भएको छ। ११ जना घाइते भएका छन् ।

जिल्ला प्रहरी कार्यालय सिन्धुलीका अनुसार बिहीबार बिहान ९ः२२ बजे कमलामाई नगरपालिका वडा ४ चियाबारीस्थित सडकमा बोलेरो गाडी दुर्घटनामा परेको हो। बा २० च ८२८३ नम्बरको गाडी गोलन्जरबाट सदरमुकाम जाँदै गर्दा तीव्र गतिका कारण अनियन्त्रित भएर सडकमै पल्टिएको हो।

दुर्घटनाबाट गोलन्जर नगरपालिकाका पृथ्वी भुजेल र उदय मगरको मृत्यु भएको प्रहरीले जनाएको छ । घाइते ११ जनामध्ये तीन जना गम्भीर घाइते छन्। उनीहरूलाई काठमाडौंमा रिफर गर्ने तयारी छ।

अन्य घाइतेको सिन्धुली जिल्ला अस्पतालमा उपचार भइरहेको प्रहरीले जानकारी दिएको छ ।