ट्रकले स्कुटरलाई ठक्कर दिँदा गठ्ठाघरको अवस्था तनावग्रस्त

काठमाडौं– भक्तपुरको गठ्ठाघरमा ट्रकले स्कुटरलाई ठक्कर दिँदा स्कुटर चालकको मृत्यु भएपछि तनावग्रस्थ अवस्था सिर्जना भएको छ ।

बिहिबार दिउँसो कौशलटारबाट गठ्ठाघरतर्फ गएको ना.६ ख २१७३ नम्बरको भाडाको ट्रकले स्कुटरलाई लछारेको हो । ट्रकले स्कुटर नम्बर ८९४४ को चालकलाई करिब सयमिटर परसम्म लछारेको थियो ।

स्कुटर चालक महिला र विद्यार्थी रहेको बताइएको छ । तर उनको वास्तविक पहिचान भने खुलिसकेको छैन । उनको शव क्षतविच्छेद भएको छ ।

घटनास्थलमा ज्यान गुमाएका व्यक्तिको झोलामा किताब कपीहरू भेटिएका छन् । घटनापछि गठ्ठाघरको अवस्था तनावग्रस्थ भएको छ । दुर्घटनापछि जम्मा भएको भिडले ट्रकमा तोडफोड गरेका छन् । दुर्घटनापछि अहिले भक्तपुर–काठमाडौं सडक ठप्प भएको छ ।