विद्यालय जाँदै गरेकी शिक्षिकाको बाटोमा पहिरोले पुरिएर मृत्यु

खोटाङ– खोटाङमा स्कुल पढाउन जाँदै गर्दा बाटोमा पहिरोले पुरिएर शिक्षकको मृत्यु भएको छ। रावाँबेसी गाउँपालिका–३ स्थित विश्वज्योती उच्च माध्यमिक विद्यालयकी ६० वर्षीया शिक्षक सावित्रादेवी नेवारको पहिरोमा परेर मृत्यु भएको हो ।

सोहि वडाको कार्यालय छेउमा पहिरो जाँदा शिक्षक नेवार पुरिएकी थिइन् । बिहीबार बिहान ९ बजेर ४५ मिनेट जाँदा पहिरोले पुरिएर घटनास्थलमै मृत्यु भएको जिल्ला प्रहरी कार्यालय खोटाङका प्रहरी निरीक्षक बेनु कार्कीले जानकारी दिए।