पहिरोले पुरिएर एकै परिवारका चार जनाको मृत्यु
काठमाडौं– बझाङमा पहिरोमा पुरिएर एकै परिवारका चार जनाको मृत्यु भएको छ ।
आइतबार राति १ बजे बुङ्गल नगरपालिका–१० स्थित टुमेडामा पहिरोले बीरबहादुर धामीको घर पुर्दा ४ जनाको ज्यान गएको सुदुरपश्चिम प्रदेश प्रहरी प्रमुख डीआइजी रविन्द्र केसीले जानकारी दिए । पहिरोले पुरिएर मृत्यु हुनेमा काली धामी, गोल्की धामी, आकृति धामी र लक्ष्मी धामी रहेका छन् ।
उनका अनुसार घरमा सुतेका १० जनामध्ये ६ जना भागेर बचेका छन् । उनीहरु केही समान्य घाइते भएका छन् ।