जात्राको तयारीका बिच कुम्भेश्वरको एक घरमा आगोलागी

काठमाडौं– ललितपुरको कुम्भेश्वरमा आज बिहान आगलागी भएको छ ।

बंगलामुखी मन्दिर नजिकैको घनाबस्तीमा भएको एउटा घरमा आज बिहान करिब नौ बजेतिर आगलागी सुरु भएको थियो ।

घरको सबैभन्दा माथिल्लो तलामा आगलागी भएको हो । ललितपुर महानगरपालिकाको नगरप्रहरी सहितको टोलीले दमकलको सहयोगमा आगो नियन्त्रणमा लिएको छ । आगो निभाउन काठमाडौं महानगरपालिकाको दमकल पनि झिकाइएको थियो ।

आगो लागेको घरको भुइँतलामा मेडिकल पसल र खाजा तथा मिठाइ पसलहरु छन् । आज जात्राको दिन परेकाले मिठाइहरु बनाउने काम जारी थियो । त्यहीबेला घरको दोस्रो तलामा आगो लागेको देखिएको थियो । आगलागीबाट भएको क्षतिको विवरण खुलिसकेको छैन ।