बालिका बलात्कार आरोपमा शिक्षक पक्राउ
पाँचथर — पाँचथरमा बालिका बलात्कारको आरोपमा शिक्षक पक्राउ परेका छन् । फिदिम नगरपालिका– १२ को सिद्वदेवी माध्यमिक विद्यालयमा कार्यरत शिक्षक राजकुमार नेम्वाङ बलात्कार आरोपमा पक्राउ परेका हुन् ।
फिदिम १ सुन्तली चोकमा बस्दै आएकी १५ वर्षीया बालिकालाई बलात्कार गरेको आरोप उनीमाथी छ । बालिका आफैँले दर्ता गरेको आरोपमा शिक्षक नेम्वाङलाई पक्राउ गरेको प्रहरीले जनाएको छ ।
नेम्वाङलाई पक्राउ गरेसँगै घटनाको अनुसन्धान तथा पीडितको उपचार सुरु गरेको प्रहरीले जनाएको छ ।