पहिरोले पाल्पा–बुटवल सडकखण्ड अवरुद्ध

पाल्पा– शनिबार दिउँसो सुख्खा पहिरो खसेपछि सिद्धार्थ राजमार्गको पाल्पा–बुटवल खण्ड अवरुद्ध भएको छ । पाल्पाको तिनाउ गाउँपालिका–३ को माथिल्लो सिद्धबाबा क्षेत्रमा खसेको सुख्खा पहिरोले पाल्पा–बुटवल सडक अवरुद्ध भएको हो।

ठूला ढुंगासहित उक्त क्षेत्रमा पहिरो खसेको छ । सिद्धबाबा सुरुङ मार्गको दुईवटा मेसिनले पहिरो हटाउन सुरु भएको प्रहरीले जनाएको छ । तर ढुंगासहितको पहिरो ठूलो भएको हुँदा सडक सञ्चालनमा ल्याउन चार÷पाँच घण्टा लाग्ने बताइएको छ ।

सडक अवरुद्ध हुँदा दुबै तर्फका सवारीसाधन बाटोमै रोकिएका छन् ।