जिपको ठक्करबाट नागार्जुनमा मोटरसाइकल चालकको मृत्यु

काठमाडौं– काठमाडौंको नागार्जुनमा जिपले मोटरसाइकल ठक्कर दिंदा एक जनाको मृत्यु भएको छ ।

नागार्जुन नगरपालिका–७ स्थित सडकमा प्र.०१–०२५ च ९२४३ नम्बरको जिप र बा.प्र.०२–०१७ प १०९ नम्बरको मोटरसाइकललाई शनिबार राति ठक्कर दिएको थियो ।

दुर्घटनामा मोटरसाइकल चालक प्रवेश खड्का गम्भीर घाइते भएका थिए । उपचारको क्रममा उनको शहीद मेमोरियल अस्पताल कलंकीमा क्रममा मृत्यु भएको हो ।

जिप चालकलाई प्रहरीले नियन्त्रणमा लिएको छ ।