६ सय रुपैयाँले घट्यो सुनको मुल्य

काठमाडौं– आज सुनको मुल्य तोलामा ६ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतबार शुक्रबारको तुलनामा सुनको मुल्य प्रतितोला ६ सय रुपैयाँले घटेको हो । आइतबार सुनको भाउ प्रतितोला १ लाख ५२ हजार ३ सय रुपैयाँ कायम भएको छ। शुक्रबार सुनको मुल्य प्रतितोला १ लाख ५२ हजार ९ सय रुपैयाँ कायम भएको थियो ।

सुनसँगै आज चाँदीको मुल्य पनि घटेको छ । आइतबार चाँदी तोलामा २५ रुपैयाँले घटेको हो । शुक्रबार प्रतितोला १८२० रुपैयाँ रहेको चाँदी आज १७९५ रुपैयाँमा झरेको छ ।