जीप दुर्घटना हुँदा एक जनाको घटनास्थलमा नै मृत्यु

सुर्खेत– मुगुमा जीप दुर्घटना हुँदा एक जनाको मृत्यु भएको छ । सोरु गाउँपालिका–६ को बन्जाँहामा बोलेरो जीप दुर्घटना भएको हो ।

दुर्घटनामा एक जनाको घटनास्थलमै मृत्यु भएको हो । मृत्यु हुनेमा सोरु गाउँपालिका–३ भिईगाउँका नरबहादुर बुमी रहेका छन् ।

ग १ ज ६४६७ नम्बरको बोलेरो जीप बुधवार बिहान सोरुकोटदेखि गमगढी बजारतर्फ जाँदै गर्दा दुर्घटनामा परेको हो । जीपमा चालक र सहचालक मात्र रहेको र गाडी ब्याक गर्दा सडकबाट करिब १०० मिटर तल खसेर दुर्घटनामा परेको प्रहरीले जनाएको छ ।