त्रिविको ५०औँ दीक्षान्त समारोहमा भाग लिन आवेदन आह्वान
काठमाडौं– त्रिभुवन विश्वविद्यालय परीक्षा नियन्त्रण कार्यालय बल्खुले ५०औँ दीक्षान्त समारोहमा भाग लिन आवेदन आह्वान गरेको छ। त्रिविले आज एक सुचना जारी गर्दै सेमेस्टर तथा वार्षिक परीक्षा प्रणाली अनुसार स्नातक, स्नातकोत्तर तह तथा एमफिल तह उत्तीर्ण गरी ट्रान्सक्रिप्ट लिएका विद्यार्थीहरूलाई आवेदन फाराम भर्न आह्वान गरेको हो।
२०५० असार १ गतेदेखि २०८१ जेठ ३२ गतेसम्म ट्रान्सक्रिप्ट लिएका विद्यार्थीहरू र सोही अवधि भित्र विद्यावारिधि पिएचडी तह पूरा गरेकाहरूले असोज २३ गतेसम्म अनलाइनमार्फत आवेदन दिन सक्ने त्रिविले जनाएको छ ।