अझै भेटिएनन् शुक्रबारदेखि राप्तीमा बेपत्ता युवक
चितवन– शुक्रबारदेखि राप्ती नदीमा दुई जना युवक बेपत्ता भएका छन् । उनीहरु हालसम्म फेला नपरेको चितवनका जिल्ला प्रहरी कार्यालयका प्रहरी निरीक्षक लक्ष्मण केसीले बताए ।
भरतपुर महानगरपालिका–२७ जमुनाघाटस्थित राप्तीखोलामा माछा मार्न गएका उनीहरू बेपत्ता भएका थिए । उनीहरुको नेपाली सेना, सशस्त्र प्रहरीको गोताखोर टोली, स्थानीय मिलेर नदीमा खोजी जारी राखिएको छ। तर पनि अहिलेसम्म भेट्टाउन नसकिएको उनले बताएका छन् ।
शुक्रबार २ बजे माछा मार्न निस्किएका भरतपुर महानगरपालिका–२५ का ४३ वर्षीय सञ्जीवकुमार चौधरी र वडा नं २७ का ४५ वर्षीय शुकबहादुर परियारको खोजी आज पनि जारी रहेको उनले जानकारी दिए ।