हिन्दी सिरियल ‘क्यूँकी सास भी कभी बहू थी’ का अभिनेता विकास सेठीको निधन

मुम्बई– भारतको टेलिभिजनदेखि बलिउड फिल्ममा समेत आफ्नो अभिनयको छाप छोड्न सफल अभिनेता विकास सेठीको निधन भएको छ । ४८ वर्षको उमेरमा उनको ८ सेप्टेम्बर अर्थात् सोमबार निधन भएको हो ।

उनकी पत्नी जाह्नवी सेठीले सामाजिक सञ्जालमार्फत उनको निधनको जानकारी दिएकी छिन्। उनको सोमबार मुम्बईको जोगेश्वरी पश्चिममा अन्तिम संस्कार गरिएको थियो । अन्तिम बिदाइका लागि थुप्रै कलाकारहरु पुगेका थिए ।

उनले एकता कपुरसँग कहीँ तो होगा, के स्ट्रीट पाली हिल र कसौटी जिन्दगी की जस्ता हिट शोमा काम गरेका छन् । क्यूँकी सास भी कभी बहू थीबाट भने उनलाई पहिचान मिलेको थियो ।

उनले कभी खुसी कभी गममा पनि काम गरेका छन् ।