बन्दुकको कुन्जाले हानेर हजुरबुबाको हत्या आरोपमा नाति प्रहरीको फन्दामा

रोल्पा– रोल्पामा हजुरबुवाको हत्या गरेको आरोपमा नाति पक्राउ परेका छन् । सोमबार दिउँसो थवाङ गाउँपालिका–२ जाजरकोट टोलमा ७१ वर्षीय सारू रोकाको हत्या भएको थियो ।

उनको हत्या आरोपमा ३५ वर्षीय रामकुमार रोकालाई प्रहरीले पक्राउ गरेको छ । नाति रामकुमारले भरूवा बन्दुकको कुन्जाले टाउकोमा हिर्काएर हजुरबुवा सारूको हत्या गरेको आरोप छ।

उनीहरू दुबै जना सोमबार भोजबाट मादक पदार्थ सेवन गरेर फर्किएका थिए। घर फर्किएपछि उनीहरूबीच झगडा भएपछि नातिले बन्दुकको कुन्जाले हिर्काएको प्रहरीले जानकारी दिएको छ ।