अरुणिमा लम्सात अभिनित ‘घर बट इन अमेरिका’को टिजर सार्वजनिक

काठमाडौं– अभिनेत्री अरुणिमा लम्सालले अभिनयमा कमब्याक गरेकी छिन् । उनी अभिनित वेब सिरिज ‘घर बट इन अमेरिका’को टिजर युट्युबमा सार्वजनिक भएको छ ।

विमलेश अधिकारी निर्देशन गरेको सिरिजको टिजरमा अमेरिकामा हालै किनेको नयाँ घरमा बसेकी युवतीको कहानी देखाएको छ । जो प्रेमीसँग लिभ इन टुगेदरमा बस्दै आएकी छिन् । युवतीको बाबुआमा नेपालबाट अमेरिकाको घरमा पुग्दा आउने रोमाञ्चक उतारचढाव श्रृंखलाको कथावस्तु हो ।

यो सिरिजको शीर्ष भूमिकामा अरुणिमा र विमलेशसँगै राधा लम्साल, खेम शर्मा, आशिष दाहाल र रोजिना थापाको अभिनय छ । यसको सबै छायांकन अमेरिकामा गरिएको छ । सिरिजको पहिलो सिजनको केही भागको छायांकन सकेर टिजर सार्वजनिक गरिएको जनाइएको छ । टिजरमा स्ट्रिमिङ सुरु हुने मिति र प्लाटफर्मको भने जानकारी दिइएको छैन ।