मोटर चलाएर पानी तान्ने क्रममा करेन्ट लागेर एक दम्पत्तीको मृत्यु
मोरङ– मोरङमा करेन्ट लागेर एक दम्पत्तीको मृत्यु भएको छ । बूढीगंगा गाउँपालिका–५ नयाँ टोलमा करेन्ट लागेर बुधबार ७५ वर्षीय कैलाश मण्डल र ७२ वर्षीय कुमादेवी मण्डलको मृत्यु भएको हो ।
प्रहरीका अनुसार उनीहरु श्रीमान श्रीमती हुन् । उनीहरु भारत भागलपुरका रहेको बताइएको छ । उनीहरु बूढीगंगा–५ का देवनारायण चौधरीको फुसको छानो भएको घर भाडामा लिएर खेतीपाती गर्दै आएका थिए ।
विद्युत प्रवाह भइरहेको मोटर चलाएर पानी तान्ने क्रममा दुवै जनालाई बिहान ११ः५० बजेतिर करेन्ट लागेको प्रहरीले जनाएको छ । करेन्ट लागेर दुवै जनाको घटनास्थलमै मृत्यु भएको थियो ।