पोखरामा स्विमिङ पुलमा डुबेर भारतीय नागरिकको मृत्यु
काठमाडौं– पोखरामा स्विमिङ पुलमा पौडी खेल्ने क्रममा डुबेर एक भारतीय नागरिकको मृत्यु भएको छ । भारतको उत्तर प्रदेश लखनउ घर रहेका देवान सिंह को मंगलबार मृत्यु भएको हो ।
पोखरा महानगरपालिका–१७, पावरहाउस रिसोर्टमा रहेको स्विमिङ पुलमा पौडी खेल्ने क्रममा डुबेर मृत्यु भएको जिल्ला प्रहरी कार्यालय कास्कीले जनाएको छ । कास्की प्रहरीका उनी मंगलबारमात्रै भारतबाट पोखरा आएका थिए ।
स्विमिङ पुलबाट उद्धार गरेर उपचारका लागि तत्काल गण्डकी मेडिकल कलेज लगिए पनि चिकित्सकले मृत घोषणा गरेको प्रहरीले जनाएको छ ।