जिप दुर्घटनामा पुथा उत्तरगंगाकी उपाध्यक्ष बुढाको निधन
बागलुङ– गलकोट नगरपालिका–२ भुङ्खानीमा जीप दुर्घटना हुँदा मृत्यु हुने तीन जनामध्ये दुई जनाको परिचय खुलेको छ । मृत्यु हुनेमा रुकुम पूर्वको पुथा उत्तरगंगा गाउँपालिकाकी उपाध्यक्ष भुपेन्द्रा बुढा रहेकी छिन् । उपाध्यक्ष बुढासँगै उनी आमा ६१ वर्षीय गोपीमाया बुढाको निधन भएको हो ।
दुर्घटनामा मृत्यु हुने पुरुषको भने पहिचान खुलिसकेको छैन ।
शुक्रबार बिहान पौने ९ बजे रा १ झ २०० नम्बरको पिकअप जिप सडकदेखि ३ सय मिटर तल खसेको थियो । दुर्घटनामा तीन जनाको मृत्यु भएको थियो भने एक जनाको जीवितै उद्दार गरिएको थियो । घाइतेलाई धौलागिरि अस्पतालमा उपचारका लागि ल्याउने क्रम रहेको प्रहरी निरीक्षक प्रताप पौडेलले जानकारी दिए ।