शनिबार हलमा ‘छक्कापञ्जा ४’ निःशुल्क देखाउँदै दिपक–दिपा
काठमाडौं– भोली ‘छक्का पञ्जा ४’ निःशुल्क देखाइने भएको छ । दीपकराज गिरी, दीपाश्री निरौलाले सञ्चालन गरेको आईएनआई सिनेमाज मा शनिबार छक्का पञ्जा निःशुल्क देखाउन लागिएको हो ।
काठमाडौंको नयाँ बानेश्वरस्थित एनबी सेन्टरमा दिपक दिपाले सञ्चालन गरेको ‘आईएनआई सिनेमाज’ हल रहेको छ। उक्त सिनेमाहल सञ्चालनमा आएको एक वर्ष पूरा भएको अवसरमा भोली दुईवटा शो निशुल्क देखाउन लागिएको हो ।
यस बारेमा दीपकराज गिरीले सामाजिक सञ्जालमा लेख्दै शनिबार दिउँसो २ः३० र बेलुका ५ः३० बजे गरि दुईवटा शो निशुल्क देखाउन लागेको बताएका छन् । उक्त शोको निशुल्क टिकटका लागि काउन्टरमा सम्पर्क गर्न उनले आग्रह गरेका छन्।
‘छक्का पञ्जा ४’ गत वर्ष प्रदर्शनमा आएको थियो। उक्त फिल्मलाई हेमराज बिसीले निर्देशन गरेका छन् । फिल्ममा दीपकराज गिरी, दीपाश्री निरौला, बेनिशा हमाल, निर्मल शर्मा, केदार घिमिरे, बुद्धि तामाङ, राज आचार्य लगायतका कलाकारहरूको अभिनय छ।