रविले राष्ट्रिय भेलामा भने, ‘इलाममा खुच्चिङ हामीलाई’

काठमाडौं– राष्ट्रिय स्वतन्त्र पार्टी (रास्वपा) का सभापति रवि लामिछानेले इलामको निर्वाचनले आफूहरुलाई सबक सिकाएको बताएका छन् ।

मंगलबाट सुरु भएको रास्वपाको पहिलो राष्ट्रिय भेलालाई सम्बोधन गर्दै यस्तो बताएका हुन् । उनले भने, ‘इलाममा के भयो? भनेर सोध्ने गरिएको छ,’ उनले भने, ‘त्यहाँ हामी चुनाव हारिएको हो । त्यसबेला हाम्रो खुट्टा भुइँमा थियो र? इलाममा खुच्चिङ हामीलाई ।’

उनले संगठन मजबुद बनाउन नसकेको र एक अर्कालाई मान्न नसकेका कारण उक्त समस्या भएको बताए । तर टाउको लुकाउनु र झुकाउनुपर्ने अवस्था नरहेको उनको भनाएइ छ । उनले पाठ सिकेर अघि बढ्नुपर्ने बताएका छन् ।