काठमाडौंमा ट्रकको ठक्करबाट मोटरसाइकल चालकको मृत्यु
काठमाडौं– काठमाडौंमा ट्रकले मोटरसाइकललाई ठक्कर दिँदा एक जनाको मृत्यु भएको छ । काठमाडौं महानगरपालिका–१६ म्हैपीस्थित विष्णुमती करिडोर सडकमा बुधबार राति बा ४ ख ८६८५ नम्बरको मिनी ट्रकले ग १४ प ६४४३ नम्बरको मोटरसाइकललाई ठक्कर दिएको थियो ।
सो क्रममा मोटरसाइकल चालक बाग्लुङको बाग्लुङ नगरपालिका–१२ घर भएका २५ वर्षीय विनोद खड्काको मृत्यु भएको हो । उनको ट्रमा सेन्टरमा उपचारका क्रममा मृत्यु भएको प्रहरीले जानकारी दिएको छ । मोटरसाइकलमा सवार अर्का घाइतेको ट्रमा सेन्टरमै उपचार भइरहेको छ ।
ट्रक चालकलाई भने प्रहरीले नियन्त्रणमा लिएको छ ।