नवलपुरमा बस दुर्घटना हुँदा २३ जना घाइते

नवलपरासी पूर्व— पूर्व–पश्चिम राजमार्गअन्तर्गत नवलपरासी (बर्दघाट सुस्तापूर्व) नवलपुरको विनियी त्रिवेणीमा यात्रुवाहक बस दुर्घटनामा परेको छ ।

दुर्घटनामा परेर २३ जना यात्रुहरु घाइते भएका छन् ।

विनयी त्रिवेणी–१, स्थित विनयी खोलानजिक काठमाडौंबाट भारतको राजस्थानका लागि छुटेको बस दुर्घटनामा परेको हो । मंगलबार बिहान करिब दुई बजेको समयमा आरजे १४ पीसी ३५४५ नम्बरको भारतीय बस आफैं अनियन्त्रित भएर सडमा पल्टिएको थियो । बस पल्टिँदा बसमा सवार २३ जना घाइते भएका छन् ।

बसमा ४५ जना यात्रु सवार थिए । अन्य ्अन्य यात्रु भने सकुशल रहेका छन् । घाइतेहरूको स्थानीय विनिय त्रिवेणी आधारभूत अस्पतालमा उपचार भइरहेको प्रहरीले जनाएको छ ।