असोज १२ गतेदेखि दशैँको लागि अग्रिम टिकट बुकिङ खुल्ने

काठमाडौं– दशैँका लागि अग्रिम टिकट बुकिङ असोज १२ गतेदेखि खुला गरिने भएको छ । यातायात व्यवसायी राष्ट्रिय महासंघले यातायात विभागसँग छलफल गरेर दशैँका लागि अग्रिम टिकट बुकिङ असोज १२ गतेदेखि खुला गरिने भएको जनाएको छ ।

यसअघि पनि दशैँका लागि अग्रिम टिकट खुलाउने विषयमा सरकार र यातायात व्यवसायीबिच छलफल भएको थियो । तर ठोस सहमति भने जुट्न सकेको थिएन ।