इलेक्ट्रिक साइकलको सोरुममा आगलागी हुँदा करोडौंको क्षति

विराटनगर– मोरङको विराटनगर महानगरपालिका–२ मुनालपथमा रहेको इलेक्ट्रिक साइकलको सोरुममा आगलागी हुँदा करोडौंको क्षति भएको छ । बुधबार दिउँसो मुनालपथमा रहेको इलेक्ट्रिक मोटरसाइकल र बाईक विक्री गर्ने भव्या इन्टरनेशनलमा आगलागी भएको थियो ।

कोशी राजमार्गमा पर्ने उक्त पसलमा इलेक्ट्रिक बाइक मर्मत गर्ने क्रममा आगलागी भएको हो। नेपाल प्रहरी, नगर प्रहरी र नेपाली सेनाको सहयोगमा विराटनगर महानगरनगरपालिकाको ३ वटा दमकलले आगलागी नियन्त्रणमा लिएको छ ,

आगलागीबाट इलेक्ट्रिक बाइक, स्कुटी, व्याट्री लगायतका सामग्रीहरु जलेको र करिब डेढ करोड रुपैया बराबरको क्षति भएको जनाइएको छ ।