पहिरोले बैतडीमा पुर्यो एउटा घर

बैतडी– बैतडीको डिलाशैनी गाउँपालिका–४ जोखल्लीमा पहिरोले एक घर पुरेको छ । जोखल्ली निवासी सुरेन्द्र रोकायाको घर गए राति १२ बजेतिर घरमाथिबाट खसेको पहिरोले पुरेको हो ।

उक्त घर पहिलादेखि पहिरोको जोखिममा रहेको थिया । बुधबार वर्षा सुरु हुने बित्तिकै घरपरिवार र गाईवस्तु आफन्तको घरमा सरेका थियो । सो कारण सकेकाले मानविय तथा पशुचौपायामा क्षति नभएको प्रहरीले जनाएको छ ।

दुई तले कच्ची घर पहिरोले पुरिएपछि घरभित्र रहेका अन्नपात, लत्ताकपडा, भाँडाकुडा सबै नष्ट भएका बताइएको छ।