लैनचौरमा स्कुटर दुर्घटना, एक जनाको मृत्यु
काठमाडौं– काठमाडौं महानगरपालिका–२ लैनचौरमा दुई स्कुटर एक आपसमा ठोक्किएको छ । दुर्घटनामा परेर एक जनाको मृत्यु भएको छ ।
लैनचौरस्थित सडकमा बा ७९ प ५४७८ नम्बरको स्कुटर र बा प्र–०२–०३६ प ७४४९ नम्बरको स्कुटर बुधबार राति एकआपसमा ठक्कर खाएका हुन् ।
दुर्घटनामा बा प्र–०२–०३६ प ७४४९ नम्बरको स्कुटर चालक दोलखा मेलुङ गाउँपालिका–५ घर भएका २१ वर्षीय रूपेश केसीको मृत्यु भएको हो ।
दुर्घटनामा गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो । अर्का स्कुटर चालकलाई प्रहरीले नियन्त्रणमा लिएको छ ।