साथीलाई बचाउन जाँदा नेपाली सेनाका प्रमुख सेनानी केसीको मृत्यु

सिन्धुपाल्चोक– सिन्धुपाल्चोकमा पहिरोमा पुरिएर नेपाली सेनाका प्रमुख सेनानी मिलन केसीको मृत्यु भएको छ।

आफ्ना कोरियन साथीहरूसँग बिदामा सुनकोशी गाउँपालिका वडा नम्बर ४ स्थित सिन्धु बिच रिसोर्ट पुगेका उनको शनिबार पहिरोमा परेर मृत्यु भएको हो ।

रिसोर्टमा शनिबार पहिरो आउँदा साथीहरुलाई बचाउन केसी गएका थिए । उनको शव फेला परेको जनाइएको छ । उनले बचाउन गएको कोरियन नागरिक भने बेपत्ता रहेका छन् ।

प्रमुख सेनानी केसी सैनिक प्रतिष्ठान खरिपाटीमा कार्यरत थिए। उनी शान्ति सेना मिसनमा जान छनौट पनि भइसकेका थिए।