काभ्रेमा बाढी र पहिरोमा परेर मृत्यु हुनेको संख्या ५४ पुग्यो, ६ जना अझै बेपत्ता
काभ्रेपलाञ्चोक– काभ्रेमा बाढी र पहिरोमा परेर मृत्यु हुनेको संख्या ५४ पुगेको छ । जिल्ला प्रहरी कार्यालय काभ्रेका अनुसार ६ जना अझै बेपत्ता छन् । यस्तै ५२ जना घाइते रहेको जनाइएको छ ।
बाढीपहिरोले अवरुद्ध विपि राजमार्ग खण्ड सञ्चालनमा आएपनि नेपालथोक धुलिखेल खण्डमा अवरोध कायम रहँदा सवारीसाधन प्रभावित भएका छन् । यस्तो समयमा बाढी पहिरोमा फसेकामध्ये हेलिकप्टरमार्फत ३३६ जना र अन्य तवरबाट २३६ जनाको उद्वार गरिएको जिल्ला प्रहरी कार्यालय काभ्रेले जनाएको छ ।