पनौतीका बाढीपहिरो पीडितलाई ‘हन्ड्रेड्स ग्रुप’को राहत
काभ्रेपलाञ्चोक– गत असोज ११ र १२ गते रोशी खोलामा आएको बाढीले प्रभावितलाई हन्ड्रेड्स ग्रुपले राहत उपलब्ध गराएको छ। पनौती नगरपालिका–१२ का केही बाढीपहिरो पीडितलाई हन्ड्रेड्स ग्रुपले सहयोग गरेको हो ।
सबैको विवरण प्राप्त नभएपनि जानकारीमा आएका व्यक्तिहरुलाई राहत सामग्री उपलब्ध गराएको हन्ड्रेड्स ग्रुपका संस्थापक अध्यक्ष बब्लु गुप्ताले बताएका छन् । बाढीपहिरो पीडितलाई राहत सहयोग निरन्तर दिने समेत उनले बताएका छन् । मंगलबार यो ग्रुपले तीस बाढी पहिरोपीडित परिवारलाई राहात उपलब्ध गरेको छ ।
बाढी र पहिरोका कारण पनौती नगरपालिकामा मात्र २० जनाको मृत्यु भएको छ । पनौतीका वडा नं १, २, ४, ७, ८, ११ र १२ का करिब ७ सय परिवार बिचल्ली बनेका छन् । वडा नम्बर १२ का मात्रै ३ सय घरधुरी विस्थापित भएको तथ्यांक हालसम्म प्राप्त भएको छ ।