हात्तीको आक्रमणले झापामा एक जनाको मृत्यु
झापा– हात्तीको आक्रमणबाट दक्षिण झापाको हल्दिबारी गाउँपालिका–३ मा एक जनाको मृत्यु भएको छ ।
रणकाली सामुदायिक वनबाट घाँस काटेर घर फर्किने क्रममा ६५ वर्षीय वाङ्दी गुरुङलाई हात्तीले आक्रमण गरेको हो । जिल्ला प्रहरी कार्यालयका सूचना अधिकारी कृष्णकुमार चन्दका अनुसार आज बिहान जङ्गलबाट घाँस काटेर घर फर्कने क्रममा हात्तीले आक्रमण गर्दा गुरुङको घटनास्थलमै मृत्यु भएको जानकारी दिए ।
जङ्गली हात्तीले लछारपछार पारी कुल्चिँदा गुरुङको मृत्यु भएको हो । घटनास्थलमा प्रहरी परिचालन गरिएको र मृतकको शव परिवारलाई बुझाउन कानुनी प्रक्रिया भइरहेको उनले जानकारी दिएका छन् ।