गत साताको बाढीपहिरोमा परेर मृत्यु हुनेको सङ्ख्या दुई सय ४६ पुग्यो, १८ जना अझै बेपत्ता
काठमाडौं– गत साताको बाढी, पहिरो तथा डुबानमा परेर मृत्यु हुनेको संख्या दुई सय ४६ पुगेको छ । प्रहरी प्रधान कार्यालयका अनुसार अहिलेसम्म १८ जना बेपत्ता छन् भने एक सय ७८ जना घाइते भएका छन् ।
बाढी पहिरो प्रभावित क्षेत्रबाट १७ हजार एक सय ७४ जनाको उद्धार गरिएको छ । उनीहरुका लागि सहायता परिचालन गरिएको प्रहरीले जनाएको छ । अवरुद्ध राजमार्गको मर्मतसम्भार गरी यातायातका साधन सञ्चालनको प्रयास जारी रहेको प्रहरी प्रवक्ता समेत रहेका प्रहरी नायव महानिरीक्षक (डीआईजीपी) दानबहादुर कार्कीले जानकारी दिए ।
उनका अनुसार बाढी, पहिरो तथा डुबानमा परेर सबैभन्दा बढी काभ्रेपलाञ्चोकमा ७८ जनाको मृत्यु भएको छ । ७९ जना घाइते र ६ जना बेपत्ता तथा १२ हजार ६४७ जनाको उद्धार भएको छ ।
यस्तै ललितपुरमा ४६ जनाको मृत्यु भएको छ भने १६ जना घाइते र ५ जना बेपत्ता रहेका छन् ।