गौशालामा रहेको पशुपतिको जग्गा तत्काल खाली नगर्न पर्यटक मन्त्रालयको पत्राचार
काठमाडौं– पशुपति क्षेत्र विकास कोषको गौशालामा रहेको जग्गा खाली गर्ने कार्य अर्को निर्णय नभएसम्मका लागि रोक लगाउन संस्कृति, पर्यटन तथा नागरिक उड्डयन मन्त्रालयले पत्र पठाएको छ ।
२३ असोजमा गृहमन्त्रालयलाई शान्ति सुरक्षा व्यवस्था मिलाइदिन माग गर्दै मन्त्रालयलाई पत्राचार गरेको थियो । पशुपति क्षेत्र विकास परिषद्को असोज २० गते बसेको बैठकको निर्णयअनुसार पठाइएको पत्रले हाल उत्पन्न परिस्थितिले पशुपति क्षेत्रमा शान्ति सुरक्षामा समस्या उत्पन्न भएको बुझिएकाले अर्को निर्णय नभएसम्म उक्त क्षेत्र खाली गर्ने प्रक्रिया रोक्न निर्देशन दिएको हो ।
मन्त्रालयले परिषद्को बैठक कात्तिक ४ गते मन्त्रालयमै बस्ने गरी पनि बोलाइएको पत्रमा उल्लेख छ ।
