१ अर्ब ४८ करोड भन्दा बढी रकम सहकारी बचतकर्ताले पाए फिर्ता

काठमाडौं– हालसम्म ६ हजार बढी सहकारीका बचतकर्ताले पूरै बचत रकम फिर्ता पाएका छन् । भूमि व्यवस्था, सहकारी तथा गरिबी निवारणमन्त्री बलराम अधिकारीको उपस्थितिमा मंगलबार सार्वजनिक सहकारीको बचत फिर्ता तथा मिलानसम्बन्धी विवरणअनुसार ६ हजार १५५ जना बचतकर्ताले पूरै रकम फिर्ता पाएका हुन् ।

यो सँगै हालसम्म १ अर्ब ४८ करोड ५१ लाख रुपैयाँ राफसाफ गरिएको छ । कात्तिक १२ गतेसम्म आंशिक भुक्तानी भएका बचतकर्ताको संख्या ४३८ छ । उनीहरूको ३ करोड १ लाख ९९ हजार रुपैयाँ भुक्तानी गरिएको छ ।

यसैगरी गत आर्थिक वर्ष २०८०÷८१ सम्म १ हजार २०० जनाको मागदाबी राफसाफ गरिएको थियो । जसअनुसार उनीहरूले ८३ करोड ६५ लाख रकम फिर्ता पाएका थिए ।

चालु आव २०८१÷८२ को कात्तिक १२ गतेसम्म थप ४ हजार ८५६ जनाको ६४ करोड ८६ लाख रुपैयाँ राफसाफ गरिएको छ ।

आंशिक र पूर्ण गरी रकम भुक्तान गरिएका मागदाबीकर्ताको संख्या ६ हजार ५९६ पुगेको छ । यी बचतकर्ताको कुल १ अर्ब ५१ करोड ५३ लाख ३६ हजार रुपैयाँ भुक्तानी भएको छ ।

अब ५६ हजार ६०५ जना बचतकर्ताको राफसाफ गर्न बाँकी छ । उनीहरूको कुल ३८ अर्ब ४२ करोड ३ लाख बचत फिर्ता गर्नुपर्नेछ ।