पाँच सयले घट्यो सुनको मूल्य

काठमाडौं– नेपाली बजारमा आज सुनको भाउ घटेको छ । नेपाल सुनचाँदी व्यवसायी महासंघका अनुसार आइतबार सुनको मूल्य ५०० रुपैयाँले घटेको हो । सुनको भाउ प्रतितोला १ लाख ६६ हजार रुपैयाँ तोकिएको छ । यसअघि शुक्रबार सुन १ लाख ६६ हजार ५ सय रुपैयाँमा कारोबार भएको थियो ।

यसअघि कात्तिक १५ गते सुनको भाउ हालसम्मकै उच्च १ लाख ७१ हजार रुपैयाँ पुगेको थियो ।

त्यस्तै आज चाँदीको मूल्य पनि घटेको छ । शुक्रबार प्रतितोला १९८० रुपैयाँ रहेको चाँदी आज २० रुपैयाँले घटेर १९६० रुपैयाँमा कारोबार भइरहेको छ ।