जिल्ला अदालत कास्की परिसरबाट रास्वपाका कार्यकर्ता पक्राउ

काठमाडौं– जिल्ला अदालत कास्की परिसरबाट रास्वपाका केहि कार्यकर्ताहरु पक्राउ परेका छन् । जिल्ला अदालत नजिकै एक होटलमा चिया खान बसेका रास्वपा कार्यकर्तालाई प्रहरीले नियन्त्रणमा लिएको छ ।

रास्वपाका कार्यकर्तासँगै अन्य प्रयोजनका लागि होटल आसपास पुगेका थप दुईजना समेत पक्राउ परेका छन् । पक्राउ पर्नेमा आशिष थापा, प्रेम थापा, साजन शर्मा र तेजाब अर्याल छन् ।

निषेधित क्षेत्र तोडेको भन्दै उठाएर भ्यानमा हालिएको रास्वपा नेतृ तथा नारी टेलिभिजनकी सञ्चारकर्मी ज्वाला संग्रौलाले बताइन् । आफूलाई पनि लैजान खोजिएको तर सञ्चारकर्मीको परिचयपत्र देखाएपछि छोडेको उनले बताएकी छिन् । निषेधित क्षेत्र तोड्ने कुनै पनि क्रियाकलाप नगरि चिया मगाएर गफ गरेर बसिरहेको उनले बताएकी छिन् । तर, चिया पिउन पनि नदिइकन जबरजस्ती उठाइएको उनले बताएकी छिन् ।