कालिकोटमा जिप दुर्घटनाः ८ जनाको घटनास्थलमै मृत्यु

काठमाडौं– कालीकोटमा जिप दुर्घटना हुँदा ८ जनाको मृत्यु भएको छ। कालीकोटको पलाँता गाउँपालिका– ३ राढुनेटामा आइतबार दिउँसो यात्रुवाहक जिप दुर्घटना हुँदा ८ जनाको मृत्यु भएको हो।

जिप पलाँताको वडा नम्बर ३ बाट वडा नम्बर ९ तर्फ जाँदै गरेको जीप दुर्घटना भएको हो । उक्त जिपमा २० जना सवार रहेको बताइएको छ । बोलेरो जिप भिरबाट खस्दा ८ जनाको घटनास्थलमै मृत्यु भएको पलाँता गाउँपालिकाका उपाध्यक्ष अलैपुरा जैशीले बताइन् ।

उक्त दुर्घटनाग्रस्त जिपको नम्बर भने खुलिसकेको छैन। दुर्घटनाबारेमा जानकारी पाएर दुर्घटनास्थलतर्फ टोली परिचालित भएको प्रहरीले जनाएको छ ।