बागलुङमा पिकअप भ्यान दुर्घटना हुँदा पाँच जनाको मृत्यु

बागलुङ– बागलुङको जैमिनी नगरपालिकामा पिकअप भ्यान दुर्घटना भएको छ। उक्त दुर्घटनामा परेर चालकसहित ५ जनाको मृत्यु भएको छ ।

जैमिनी नगरपालिका–८ छिस्तीबाट बागलुङ बजार जाँदै गरेको ग २ च ९२४७ नम्बरको ‘पिकअपभ्यान’ जैदीको व्यार्थला नजिकै सोमबार बिहान दुर्घटनामा परेको हो । भ्यानमा चालकसहित ६ जना सवार रहेको जिल्ला प्रहरी कार्यालय बागलुङले जनाएको छ । गाडीमा सवारमध्ये एक जनाको भने जीवित उद्धार गरिएको प्रहरीले जनाएको छ । उनको धौलागिरी अस्पतालमा उपचार भइरहेको छ ।

उक्त भ्यान सडकदेखि ४ सय मिटरभन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिए । घटनामा ज्यान गुमाउनेको पहिचारभने हालसम्म खुलि नसकेको उनले जानकारी दिए । मृतकको पहिचान खुलिसकेको छैन ।