आम जनता पार्टीले मंसीर १ देखि काठमाडौंमा विशेष प्रदर्शन गर्दै
काठमाडौं– प्रभु शाह नेतृत्वको आम जनता पार्टीले काठमाडौंमा विशेष प्रदर्शन गर्ने भएको छ । पार्टीको मधेश प्रदेश कमिटीको विशेष संयोजनमा मंसिर १ गतेदेखी काठमाडौंमा प्रदर्शन गर्न लागेको हो ।
देशमा तीनै तहको सरकारपिच्छे मनपरी रुपमा कर लिने गरेको भन्दै देशभर शून्य कर नीतिलाई प्रोत्साहन गर्न आन्दोलन गर्न लागेको पार्टीले प्रेस विज्ञप्ती जारी गर्दै जानकारी दिएको छ ।
देशमा लुट आतंक, भ्रष्टाचार एवं विभेद विरुद्धसमेत उक्त विशेष प्रदर्शन गर्न लागिएको आम जनता पार्टीले जनाएको छ । यसका लागि आफ्नो अभियानलाई आआफ्नो स्थानबाट साथ दिनसमेत पार्टीले आह्वान गरेको छ ।
