जाजरकोटमा जीप दुर्घटना, तीन जना घाइते

जाजरकोट– जाजरकोटको नलगाड नगरपालिका–४ को बाउसे खोलाको जिरो प्वाइन्ट भन्ने ठाउँमा जिप दुर्घटना भएको छ । सोमबार बिहान ११ बजेतिर बारेकोटबाट सदरमुकाम खलङ्गा जाँदै गरेको घ १ ज ५९५ नम्बरको बोलेरो जिप दुर्घटना भएको जाजरकोट प्रहरीले जनाएको छ ।

दुर्घटनामा तीन जना घाइते भएका छन् । उनीहरूलाई उपचारका लागि जिल्ला अस्पताल जाजरकोट पठाइएको प्रहरीले बताएको छ ।

जीप बिच सडकमा पल्टिएको हो । घटनाबारे थप विवरण आउन बाँकी छ ।