२५ सय रुपैयाँ भाडामा भैरहवाबाट पोखराको उडान गर्दै यती एयरलाइन्स
काठमाडौं– मंगलबारदेखि यती एयरलाइन्सले भैरहवा–पोखरा–भैरहवा उडान सुरु गर्ने भएको छ । एयरलाइन्सको भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे तोकिएको छ ।
यस रुटको एकतर्फी हवाई भाडा २ हजार ५ सय रुपैयाँ कायम गरिएको एयरलाइन्सले जनाएको छ । गौतमबुद्ध अन्तर्राष्ट्रिय विमानस्थलमा यात्रुहरूको संख्या वृद्धि गर्न टेवा पुर्याउने उद्देश्यले भैरहवा–पोखरा प्रत्यक्ष उडान सुरु गरिएको एयरलाइन्सले जानकारी दिएको छ ।
यो रुटमा यसअघि बुद्ध एयरले नियमित उडान गर्दै आएको छ ।