कतारको दोहाबाट आएको जहाज गौतमबुद्ध अन्तर्राष्ट्रिय विमानस्थलमा अवतरण
काठमाडौं– कतारबाट आएको जहाज भैरहवास्थित गौतमबुद्ध अन्तर्राष्ट्रिय विमानस्थलमा अवतरण भएको छ । । कतार एयरवेजले मंगलबारदेखि गौतमबुद्ध अन्तर्राष्ट्रिय विमानस्थलमा नियमित उडान सुरु गरेसँगै मंगलबार कतारको दोहाबाट आएको कतार एयरवेजको वाइड बडी जहाज भैरहवामा अवतरण भएको हो ।
विमानस्थलका महाप्रबन्धक प्रतापबाबु तिवारीका अनुसार यो जहाजमा ३३ यात्रु रहेका छन् । तीमध्ये एक जना भैरहवा झरेका छन् भने बाँकी ३२ जना काठमाडौं आउने छन् ।
योसँगै कतार एयरवेजले दोहा–भैरहवा–काठमाडौं रुटमा दैनिक उडान सुरु गरेको छ ।